Ottawa Stories from the Springs

Ottawa Stories from the Springs: Anishinaabe dibaadjimowinan wodi gaa binjibaamigak wodi mookodjiwong e zhinikaadek

Translated and edited by HOWARD WEBKAMIGAD
Copyright Date: 2015
Pages: 250
https://www.jstor.org/stable/10.14321/j.ctt14tqcjq
  • Cite this Item
  • Book Info
    Ottawa Stories from the Springs
    Book Description:

    Sometimes things come to people out of the blue and seemingly for a reason. The Anishinaabe word for this isnigika.The stories contained in this collection reached Howard Webkamigad nearly eighty years after they were recorded, after first being kept in their original copper wire format by the American Philosophical Society and later being converted onto cassettes and held by Dr. James McClurken of Michigan State University. These rich tales, recorded by Anishinaabe people in the Harbor Springs area of Michigan, draw on the legends, fables, trickster stories, parables, and humor of Anishinaabe culture. Reaching back to the distant past but also delving into more recent events, this book contains a broad swath of the history of the Ojibwe/Chippewa, Ottawa, Pottawatomi, Algonkian, Abenaki, Saulteau, Mashkiigowok/Cree, and other groups that make up the broad range of the Anishinaabe-speaking peoples. Provided here are original stories transcribed from Anishinaabe-language recordings alongside Howard Webkamigad's English translations. These stories not only provide a textured portrait of a complex people but also will help Anishinaabe-language learners see patterns in the language and get a sense of how it flows. Featuring side-by-side Anishinaabe/English translations.

    eISBN: 978-1-60917-422-4
    Subjects: Language & Literature

Table of Contents

  1. Front Matter
    (pp. i-iv)
  2. Table of Contents
    (pp. v-viii)
  3. Note on the Recordings
    (pp. ix-x)
    James M. McClurken
  4. Foreword
    (pp. xi-xiv)
    Frank Ettawageshik

    My mother, Jane Willets, often spoke of the endless forests she rode through on the train. Raised in Pennsylvania near Philadelphia and schooled at Barnard College in New York City, she traveled north through Michigan’s Lower Peninsula in the early summer of 1946 to do field work for her anthropology master’s program at the University of Pennsylvania. Professor Frank Speck was her faculty advisor. Dr. Speck had become friends with my father, Fred Ettawageshik, while my father was working as a lecturer at the 1926 U.S. Sesquicentennial International Exposition held in Philadelphia. My father had attended the Indian Schools at...

  5. Introduction
    (pp. xv-xxii)

    boozhoo,

    waabgegek ndoo igoo. makwa ndoodem. wiikwemikooNsing zhinikaadek anishinaabek e danakiiwaat, mii wodi e njibaa yaaN. manidoo minising temigat iwi shkonigan.

    Greetings,

    My name is Howard Webkamigad. I was born into the Bear Clan. I come from an Anishinaabe community called WiikwemikooNsing. This settlement is a part of the Wikwemikong Unceded Indian Reserve located on Manitoulin Island.

    These stories that I have transcribed and translated were recorded around the time I was born. As I understand it, the stories were originally saved as wire recordings, collected somewhere in the area of Harbor Springs, Michigan. The copies of the recordings I...

  6. Anishinaabemowin Sounds
    (pp. xxiii-xxv)
  7. PART 1. NENIBOZHOO STORIES

    • nenibozhoo miinawaa zhiishiibeNik
      (pp. 2-3)

      aaniish, ngoding, nenibozhoo gichi niibana zhiishiibeNon gii nisaan. gaa shkwaa biinaat, mii iwi gii nigowaat. shkode gii zhitoot,

      “togowa nga kawe nibaa.”

      e piichi minozawaat dash ninda, mii iwi jiigi shkodeng gii wiishimot, shkodeng nikeyaa (doo) zhidiiyeshing,

      “koowaabam gewe e zhinaagozi yaaN.”

      e piichi gichi nibaat mii gewe anishinaabek gii bidagoshiniwaat, (doo) waabimaawaan (doo) zaagagaadeshininit zhiishiibeNon, gii kidawaat,

      “togowa mowaadaa gewe.”

      gaa gidamowaawaat, mii iwi neyaap gii baadakisidowaat kaadeNsan.

      gweshkozit nenibozhoo, (doo) makowenimaat zhiishiibeNon, aanowi (doo) zagigaadenaat, gaawiin wiya. (doo) gagwetaanigidaaza nenibozhoo.

      “tawa togowa, e zhinaagozi yaaN, gichi wewena gga kinoomawin nonggom iwi gii aagonetawa yin.”

      miidash, nenibozhoo gii na...

    • nenibozhoo miinawaa newe zhiishiibeNon
      (pp. 4-27)

      aaniish, mii sa giiyeN gii yaat owo ndo aansookaan, nenibozhoo giiyeN (doo) zhinikaaza owo sa, owo sa waa dibaadjimak nonggom. gii giibaadiziiNwi go maaba nenibozhoo, gaa zhizhiyaat go. maanda dash niyiing nibising, mii wodi e bibaa zhaat, (doo) bibaa wiigobiishke giiyeN. ookomison giiyeN (doo) bibaa nandowaabidamawaan niyiin, wiigobiin. wiigobiish gonaa e daming gonaa, zhaazhago gaa nakaazawaat anishinaabek, wiigobiish, sabaap gaye go gii zhitoowaat, mii go gaa nakaazawaat, wiigobiish. gii zhi-aawaan go zhewe wiigobiishing, yaawaan, sabiin, giigooNon wii nisaawaat, wii madozang. e bibaa zhaat wodi, (doo) bibaa wiigobiishket maanda nikeyaa wodi nibisan e ndigowogin, miidash wodi, gimaapii wodi nimadaabiit maaba ne...

    • nenibozhoo makwan gii nisaapan
      (pp. 26-31)

      nenibozhoo (doo) bibaa giiwiset, makwan gii nisaan. gaa shkwaa pakonaat, mii iwi gii minozawaat, iwi go wiisinit dash, mitigoon (doo) ziiboweshkaanit gii anashkwewigoon. wii pakowemaat go makwan, wiyii go (doo) wiisinit, miinawaa go (doo) ziiboweshkaanit newe mitigoon. miidash gii bidagowiiziit, wii oogadiskaakonaat wodi (doo) aasoowaakoshiniwaat gewe mitigook. miidash gaa zhinasoondjiishkoozat wodi. e piichi yaat dash wodi, yaawaan, mayiingganon gii noondawaan (doo) bimabatoonit. miinawaa (doo) noondaagozit nenibozhoo,

      “gegowan go zhinda bizhaakegowan.”,

      (doo) inaat.

      “wodi nikeyaa nipatook.”

      miidash mayiingganak gii inendamowaat,

      “togowa wodi zhaadaa nenibozhoo (doo) yaat, ginimaa gegoo doo yaanaadik wodi waa miiji ying.”

      gii zhaawaat wodi, gii waabimaawaat zhewe makwan,...

    • nenibozhoo miinawaa makwak
      (pp. 30-51)

      yaawaa sa nwii dibaadjimaa, nenibozhoo. aaniish, nenibozhoo gonaa (doo) dibaadjimigoozit, mii owo zhinda gaa oshki bimaadizit. iwi dash go, nwii dibaadjimaa, iwi gonaa gaa wiidjinakiimaadjin gonaa gewiin, yaawaan dash newe, wesiiNon, makwan, miinawaa waawaashkeshiwon, miinawaa gonaa ninda aanind wesiiNik gonaa, bebiizhiiNwidjik gonaa. ninda dash makwan gii nisastaawigoon gonaa maanda (doo) nibwaachawaat gonaa ji kida yinggoban, (doo) ganoonaat. dibishkoo gonaa kiinawin e zhiganoondi ying, mii gaa zhiganoonaat newe. miidash giiyeN ngoding (e) nibwaachawaat ninda ngodigamik makwan, aapidji giiyeN go (doo) minowaabimigoon, aaniish, gii gosagodigenon dash gaye gonaa. aaniish gii madjiyaawoshi gonaa maaba nenibozhoo.

      miidash giiyeN iwi (doo) dibaadjimotaawigod newe ikwewon e...

  8. PART 2. LEGENDS AND CULTURAL STORIES

    • bizhiw gaa zhiwebazipan gii aandoodegozit
      (pp. 54-67)

      aaniish, mii sa giiyeN gii daat owo, yaawaa bizhiw, gwodji gonaa megowe mitigowaaki. miidash wodi gimaapii giiyeN gaa zhi-aandoodegozit. pakoweyan giiyeN newe gaa yaawaadjin, gaa wiigwaamidjin, pakowe gaa inint. miidash wodi gii bimoset, niyiing, megowe mitigowaaki, owo sa bizhiw, miidash maaba, yaawaa, gaa zhikowaat newe, waaboozooN.

      “yaa-aa, bizhiw iidik yaandoodegozit.”,

      gii inendam dash giiyeN. miidash wodi niigaan wodi gii nipatoot owo, aagowidaaki, miidash giiyeN wodi gii niniimit.

      “bizhiw, nindaa naagaanaa,

      bizhiw, nindaa naagaanaa,

      bizhiw, nindaa naagaanaa.”

      (doo) kida dash giiyeN, owo sa yaawaa, waaboozooN. aapidji giiyeN go gichi niimi. miidash giiyeN maaba , yaawaa, bizhiw gii yaat, (doo) noondawaat newe...

    • binoodjiiNon gii gimoodipan owo makwa
      (pp. 66-73)

      aaniish, mii sa giiyeN, yaawaak, anishinaabek gonaa, odaawaak gonaa, maanpii go maanda yaawaak go gwonda odaawaak maanda gaa zhiwebazidjik, zhinda gaa danakiidjik gichi zhaazhago. miidash iwi gii yaawaat gwonda binoodjiiNik, e gaachiiwidjik go, bemi-oshkidaminodjik gonaa gwodjiing. mii gwonda, (doo) bibaa daminowaat iidik, gwodji gonaa (e) daawaat gewe anishinaabek. miidash iwi, maaba makwa iidik gewiin (doo) bibaa yaat gonaa megowe mitigowaaki, gaa zhiwaabimaat binoodjiiNon (doo) bibaa daminonit. gegoo gonaa maanda (doo) bibaa bimiikodaanaawaa, ginimaa gaye waaskoneNsan, gewe sa binoodjiiNik. miidash giiyeN maaba makwa gaa zhizhaat wodi.

      binoodjiiNik, (doo) gaachiiwiwok gonaa gwonda, gaaNwaaN gonaa bebaa bimosedjik gonaa (doo) aawok gwonda binoodjiiNik. gii...

    • shagi gii pakinaagepan
      (pp. 72-75)

      “yaawaak sa nwii dibaadjimaak, bineshiiNik.”, (doo) kidawok gosha ko gonaa debaadjimodjik gonaa. naanigodinong gonaa (doo) gagwedowewok, wegowendik iidik bineshiiN e maamawi gizhiibizogoweN gaa bimaadizit. miidash iwi waa oonji dibaadjimagowaa gwonda bineshiiNik. yaawaa dash giiyeN ogimaa bineshiiN, daanison giiyeN maaba (doo) yaawon bezhik, wii wiidigemaagoninit dash giiyeN doo inenimaan. miidash giiyeN ninda gaa zhinandomaat bineshiiNon. aaniish, mii sa iidik gii wiindamawaat iwi e oonji nandomaat. kina gonaa zhewe gaa bigiiwitaabinit dash yaat, miidash giiyeN e inaat.

      “I am going to talk about birds,” is how the storyteller would usually begin his story. Sometimes, people would ask who was the fastest bird...

    • oodjiigaawesi miinawaa enigooNs
      (pp. 76-79)

      yaawaa sa nwii dibaadjimaa, oodjiigaawesi miinawaa yaawaa, enigooNs. gwonda enigooNsak (doo) nitaanakiiwok. (doo) zagakanigewok gwonda niibing, (doo) gichi nakiiwok go. maaba dash oodjiigaawesi, gaawiin maaba (doo) kitigesii. gaawiin go gegoo, mii go eta (doo) nigamot.

      miidash maanda gaa bibooninik, mii iwi (doo) gidimaagozit, gaawiin gegoo waa miijit. miidash iidik maaba oodjiigaawesi e inendang iwi,

      “aaniish naa, ndaa gii oonandodimowaa maaba enigooNs gonaa maanda gegoo gonaa, ge miiji yaaNmbaan. ndaa oodaawamaa.”,

      (doo) inendam sa gonaa iidik. miidash maaba iidik wodi oodjiigaawesi gaa zhaat ninda enigooNson e ndaanit.

      “wegonesh dash.”,

      doo igoodigenon sa.

      “aaniish, gegoo sa gonaa gdoo bidaawamin gonaa ge miiji...

    • goon e naadjimigaazat
      (pp. 78-81)

      yaawaa sa nwii dibaadjimaa, anishinaabe. iwi dash gonaa waa oonji dibaadjimak, yaawaa gonaa gete anishinaabe gonaa gii ganamaagewok maanda biboong wii bibowaa zhibaapanidowaa ying maaba goon benggishing. miidash maaba anishinaabe iwi waa dibaadjimak iwi gaa zhiwebazit. ginimaa gonaa, gaawiin gonaa ginimaa gii minowendaziinaadik gonaa gibeying (doo) biboonik. miidash giiyeN maanda gaa minookaminik, giyaabi gonaa (doo) babiiweyaanggizo maaba goon, mii giiyeN ninda gii mipashazhewaat goonon, miinawaa giiyeN gii madji waawiinaadigenon gonaa.

      miidash giiyeN maanda iwi gaa bigiiwet gonaa maanda gii bibaa giiwiset, mii giiyeN iwi gii aapowet. aapidji giiyeN go (doo) waabshkiiyewon niniwon gaa binibwaachawigoodjin. miidash giiyeN e kidanit iwi,

      “anishaa...

    • anishinaabe ikwewizeNs miinawaa do animookaadjiiNmon
      (pp. 82-87)

      yaawaak sa nwii dibaadjimaak, anishinaabek. giigaanggooNs gonaa maaba ji kida yinggoban gonaa. aaniish, miidash gonaa anishinaabek zhaazhigo gaa zhichigewaat iwi, owo gonaa maaba giigaang (doo) ninitaawigit, midaaswigon giiyeN ko wodi gwodji gonaa bogodakamik gii zhigoowaan wii daanit. mandj gonaa owo anishinaabe gonaa gaa oonji zhichigegoweN iwi, miidash dash go iwi gaa zhichigewaat iwi. miidash iidik maaba ikwewizeNs e ninitaawigit, mii iidik gaa igot niikigoon iwi ji zhichigenit. wodi gonaa bogodaakowaa gonaa e ko biinnakamigaak ji daat midaaswigon. baamaampii dash wii bigiiwe miinawaa gii shkwaa midaaswigonigadinik. aaniish, gii debwetawaan dash go ninda niikigoon.

      yaawaan dash giiyeN maaba giigaang (doo) biminaan, animookaadjiiNon,...

    • anishinaabe binesiwon gaa maadjiinigodjin
      (pp. 86-99)

      mii sa giiyeN owo yaawaa anishinaabe mikomiing dash (e) yaat, (doo) okwawaa giiyeN owo anishinaabe. niyii giiyeN e nakaazat, pashkowegani biiskawaagan miinawaa pashkowegani wiikwaan, wewena go zhinda (doo) shkaakogaadeni. miidash giiyeN niyiing mikomiing dash (e) yaat, gii gakaget maanda gii nigokowaanigawang iwi niyii, okwawaagan. niyii eshkanaak dash zhewe gii bidagisidoot, niyii gaye zhinda waagaakodooNs miinawaa go mookamaan maanpii (doo) teni, niyiing biindji agowining. mii sa giiyeN, (doo) wiikoweshin dash giiyeN maaba, wodi gonaa giigooNon wii waabimaat wodi (doo) mikozhawenit, wii badjibowaat dash. baamaa sa giiyeN go zhewe (doo) zhagishing mikomiing, (e) wiikoweshing, baamaa sa giiyeN go gegoo (doo) noondaan (doo)...

    • anishinaabe ikwewizeNs gaa maadjiinin
      (pp. 98-109)

      aaniish, nga dibaadjim sa gaa zhiwebadagobaneN zhinda niyiing zhaabowiganing, anishinaabek e danakiiwaat. bazhishig go anishinaabek zhewe gii danakiiwok gichi zhaazhago, ayaanikaach gii bidanakiiwok anishinaabek zhewe. miidash giiyeN gii oodetoowok gaye go, miidash owo yaawaa, owo sa ikwewizeNs, giigaanggooNs go, giigaanggooNs gonaa e inint, mii dinoowo owo, (doo) bibaa waawaaskoneNsike giiyeN. wodi dash iwi niyiing, wodi zhaabowiganing nibising nikeyaa niyaa, (doo) nizhiziinggaa iwi niyii aki gonaa, mitigowaaki gonaa iwi. mii iidik maaba ikwewizeNs wodi gaa nizhaat, waawaaskoneNsan giiyeN doo nipakibidoonan. (e) oshki minookamik gonaa maanda, (e) baashkaabagoniik sa gonaa waawaaskoneNsan. miidash maaba ikwewizeNs wodi (doo) nidadaminot bekish, besha go niyiing, nibising...

    • anishinaabek gaa madekodaagaazadjik
      (pp. 108-123)

      aaniish mii sa giiyeN gewe anishinaabek gonaa gewiinawaa (doo) bimaadiziwaat gonaa, daawaat gonaa, miidash giiyeN, miidash giiyeN e kidawaat,

      “geget sa gonaa gdaa gii oobiboonishimin e dizhiiniwaat wesiiNik.”,

      (doo) kidawok giiyeN gewe anishinaabek. miidash giiyeN go gii maajaawaat, niyiing gonaa megowe mitigowaaki, dibi gonaa iidik gonaa, (doo) maajaawaat. miidash go wodi gii yaawaat, gii zhigewaat, niyii gonaa, wiigwaam gonaa. niyii gonaa takiigaanek, gii takiigedigenak giiyeN gonaa, mandj gonaa gaa zhinaagodigowen takiigaan. anishinaabe wiigwaam, mii iwi gaa zhitoowaat. aapidji giiyeN gonaa (doo) yaani, (doo) wesiiNkaani iidik wodi sa gii dagoshiniwaat. wesiiNik, waawaashkeshiwok, nowonch go e zhinaagozidjik go wesiiNsak gaye.

      miidash giiyeN,...

    • ikwewok ko ooshame gii mashkowaziwaat
      (pp. 122-161)

      dibaadjimowin zhinda ndoo yaan waa wiindamawinigok. aaniish gga bazindawim dash. anishinaabek gonaa zhaazhago nwii dibaadjimaak, gonaa gaa bizhiwebaziwaat gonaa, gaa bibimaadizidjik. gwonda dash go waa dibaadjimagik anishinaabek, gii gidjibowewaagoban zhinda. ginimaa gonaa aakoziwin gonaa gaa digowog. dibi gonaa nikeyaa gaa zhaawaagoweN, ginimaa zhaawonong gonaa nikeyaa. gibeying go gwonda gii mibowewok. gii zegaziwok gonaa maanda aakoziwin gonaa wii takonigoowaat. miidash iwi gaa oonji maajaawaat zhinda. maaba gonaa nini, gonaa wiidigemaaganon miinawaa daanison bezhik, miinawaa aapidji giiyeN go gaachiiwi binoodjiiNs, gwiiwizeNs. mii iwi gaye maaba gaa nchit, anishinaabe waa dibaadjimak.

      miidash gonaa maanda niibana gonaa nisagon (e) mibowewaat, gimaapii gaye gonaa, gii...

    • anishinaabe waabshkibinesiwon gaa debinaadjin
      (pp. 160-181)

      miidash go owo dash go waa dibaadjimak, oshkiniigish maaba, gii nowiigiizi gonaa iwi oshkiniigit. yaawaa sa maaba anishinaabeNs, aapidji gonaa (doo) gaachiiwiban, ginimaa gaye gonaa ngodwaaswi (doo) sabiboonigizigoban, ginimaa gaye gonaa niizhwaaswi (doo) sabiboonigizigoban, mii ninda niikigoon maaba oshkiniigish gii nibowonit. bezhik dash giiyeN gonaa zhewe mindimooweN gonaa, geget gonaa ji kida yinggoban, mii iidik maaba gaa daapinaat newe, gaa inendang sa gonaa ji koginaapan ninda gwiiwizeNson. (doo) nowiigiizi maaba. aaniish, miidash go gii miinind ninda gwiiwizeNson wii ganawenimaat. aaniish, (doo) nowiigiizi sa maaba gwiiwizeNs, aaniish, mii sa go iwi gii ganawenimaat. miinawaa gaye maaba oshkiniigish (doo) wiidookowaat gonaa wiidji...

    • anishinaabe ikwe wiinimoon gaa wiidigemaadjin
      (pp. 182-191)

      yaawaak sa nwii dibaadjimaak, anishinaabek. kiinawin gonaa zhinda nonggom e danakii ying, zhaazhago gonaa gwonda odaawaak zhinda gii danakiiwaat wiikowedoowing, mii gonaa gaa bizhiwebaziwaat gonaa gewiinawaa njike gii yaawaat. gwonda dash go waa dibaadjimagik niizh, niizhawok gwonda ikwewok e zhiwiidigikooNdiwaat gonaa, iwi dash go maanda gii zhiwebaziwok, yaawaa gonaa gii misowinawaawaan gonaa newe oshkinowen gonaa bezhik. wewena gonaa maaba nini gonaa e zhiyaat gii zhi-aawidik.

      aaniish gii wiichkisimaadigenon dash go maaba oshkinini ninda niizh ikwewon e zhiwiidigikooNwinit. baamaampii dash gonaa naagach ninda e gaachiiwinindjin gii wiidigemaadigenon maaba yaawaa, maaba sa oshkinini. maaba dash midjiigikwewis e inind, aaniish, giyaabi go ninda...

    • anishinaabe gaa zhidebinaat mandaaminon
      (pp. 190-199)

      maanda sa dibaadjimowin e yaamaaN, anishinaabe nwii dibaadjimaa, mandaaminon gaa makawaat, gaa oshkimakawaat go. maanda nikeyaa, makwa zhagishing, gaawiset gonaa maaba (doo) aawi anishinaabe, miidash gonaa maanda (doo) giiwiset, gibe giizhik gonaa (doo) bibaa ndendit, gaawiin gaye gonaa gegoo gii nitoosiin. miidash gonaa e naakoshinik (e) bigiiwet owo, aapidji giiyeN go gii yekozi. miidash iidik e inendang iwi,

      “ndaa kawe nibaa gonaa zhinda matashkamik e nshkwaandowe yaaN. baamaapiigonaa naagach ndaa zhitoon ge miiji yaaN.”

      miidash iidik gii weshing, niyiing e nshkwaandowet, mii gaye go iidik wewiip gii nibaat go. aaniish, (doo) yekozi, maanda go gibe giizhik bigiiwiset. miidash go...

  9. PART 3. HISTORICAL STORIES

    • zaagiinaa niniwok
      (pp. 202-205)

      aaniish, mii sa giiyeN, mii sa ji dibaadjimowi yaaN zhinda gaa zhiwebadagobaneN gichi zhaazhago. gaawiin wiya zhinda e waabshkiiyet gii yaasii, mii go eta anishinaabek gaa yaadjik zhinda, gaa oodetoodjik. miidash iwi, binoodjiiNik gonaa, gii baatiinawok gonaa, gichi yaawaaNsak gonaa, ginimaa gii niizhwaaswi nisabiboonigiziwidik owo gwiiwizeNs, (doo) bibaa daminowok dash giiyeN ooshti wodi nikeyaa maanda miikan e ninamok, zhinda gonaa oodenaang (doo) bibaa daminowaat. yaawaa dash maanda, zhinggobiiNsak zhinda kina gii bidakoziwok, yaawaak, giizkikaandigooNsak, (doo) bibaa daminowaat binoodjiiNik, gwiiwizeNsak. mii sa zhewe anishinaaben gii bidagoshininit. mii go eta nowonch owo zeziikoziiNwit, mii owo gaa binowodinind. gii binowodjibinind. gii maadjiibatoowaanaawaat, maanda...

    • mayegi anishinaabek gaa bigimoodjik ikwewizeNson
      (pp. 206-221)

      anishinaabek nwii dibaadjimaak. zhaazhago gonaa gwonda odaawaak zhinda njike gii yaawok. gii goziwok dash ko gwonda anishinaabek, odaawaak gwonda. zhaawonong gii zhaawaat niyiing zhigaagoong nonggom e ndigowok besha. zaagawaang gii zhinikaadaanaawaa zhewe gaa nji biboonishiwaat. gichi mookamaan ginimaa St. Joseph’s doo zhinikaadaan iwi oodena nonggom. mii gwonda anishinaabek zhewe gaa nji biboonishiwaat. miinawaa dash gonaa gwonda anishinaabek gii nanakiiwok zhewe gaa dagoshiniwaadji zhewe, gii niigewok gaye gonaa wodi zhaawonong. miinawaa gonaa gii giiwisewok gonaa.

      maaba dash go bezhik anishinaabe waa dibaadjimak, yaawaan, maaba ikwewizeNson wodi gii gimoodimaaban gonaa bibaa niiget gonaa, wodi niyiing zhigaagoong nonggom e ndigowok. gii waabshkokaa giiyeN...

    • odaawaak miinawaa mashkodeweNik
      (pp. 220-221)

      yaawaak, mishiiminibaamikoong besha gii danakiiwok anishinaabek. mashkodeweNak gii zhinikaazawok. ngoding dash epanggishimok gii bibaa miigaazawok odaawaak, naadowesen gii miigaanaawaan. gii maazhaawok dash. beskaabiiwaat dash, nenggaach gonaa (e) bimishkaawaat mishiiminibaamikoong besha, mii iwi (doo) giisaadendamowaat, (doo) mindamitawaawaan wiidji anishinaaben gaa nisindjik wodi naadowesiiNakiing. miinawaa yaawaak dash gii nisaakawaawaan, mashkodeweNik, e oshkiniigidjik gonaa, mii iwi bekish giiyeN gaye gii baamasiiniiwaawaan newe odaawaan. mii gii nishkaadiziwaat odaawaak. gaa bigiiwewaat dash, mii iwi gii giizhendamowaat ji mookiitawaawaat mashkodeweNon. gaa shkwaa nanaatoowaat makiziniwaan miinawaa gaye gii giizhiitaawaat, mii gii mookiitawaawaat, yaawaan mashkodeweNon. gichi aabiindjiwaawaan dash, gegaa go gii jaagananaawaan.

      niyiing dash, zooniyaang gii powewok gewe...

    • mashkodeNzhak gegaa gii jaaganinadawaa
      (pp. 222-229)

      yaawaa sa nwii dibaadjimaa, mashkodeNzh. mashkodeNzhak gewiin maanda gonaa gii wiidjinakiimaawaat odaawaan. mii gonaa gewiinawaa gonaa naasaap gonaa gaa zhibimaadiziwaat, odaawaa gonaa gaa zhibimaadizit. gii makadeke maaba odaawaa gonaa gegoo gewiin wii gikendang. aaniish, miidash go gaye maaba mashkodeNzh gaa zhichiget iwi. maaba dash go waa dibaadjimak mashkodeNzh, oshkiniigish maaba, mii gonaa maaba iidik gonaa dash piitizit gonaa wii makadeket, mii iidik newe niikigoon gaa igot,

      “gdaa makadeke gegiin, gegoo gonaa ji wii gikendaman.”,

      gii igoodigenon gonaa newe niikigoon maaba mashkodeNzh oshkiniigish. aaniish, miidash go gii wewiiptaat iidik iwi (doo) makadeket. gwodji gonaa e ko biinnakamigaanik gaye gonaa gwonda gii...

  10. PART 4. CONTEMPORARY STORIES

    • odaawaa noozawinkewin
      (pp. 232-233)

      “ndoo gichi minowendam maanda noozawinkewin (doo) manaadjitoo yaaN. maaba gichimookamaanikwe, gichi waasa waabanoong e binjibaat, wii minozhiwebazi maaba. wii waawiiNzat dash (doo) inendaagozi. ndoo gichi minowendam dash wii waawiinak. waabanoo-ikwe dash da zhinikaaza. yaa aa yaa aa yaa ye aaya yaa aa yaa aa aa waabanoo-ikwe da zhinikaaza. yaa aa yaa aa yaa aa yaa aa yaa aa e yaa aa yaa aa waabanoo-ikwe, waabanoo-ikwe, waabanoo-ikwe, e e e e waabanoo-ikwe dash da zhinikaaza. oo oo oo oo oom oom.

      “I am so very pleased and happy to be involved with and celebrating this naming ceremony. This white American woman...

    • anishinaabek gaa inaadjimowaat e piichi wiishkobiminikewaat
      (pp. 232-245)

      yaawaa sa, anishinaabek nwii dibaadjimaak miinawaa. zhaazhago ko gonaa geniin megowaa gonaa, gaawiin gonaa aapidji geniin gegoo ngii gikendaziin gonaa, iwi gonaa bi-oshkibimaadizi yaaN gonaa. gwonda dash go nwii dibaadjimaak anishinaabek gaa zhiwaabimakgowaa. kina gaye gonaa anishinaabe pii iwi gii gitige, iwi gonaa maanda gonaa (doo) zhiitaawaat maanda wii biboonik miinawaa. miidash ko gwonda anishinaabek gii wiishkobiminikewaat, ngii ganawaabimaak ko gonaa. gaawiin gonaa gegoo ngii naabidazisii.

      aapidji go ko gii minoyaawok maanda nidibikadinik iwi (doo) ziiskinaawaat ninda oshki mandaaminon, (e) giizhiinggowet gonaa owo, maaba mandaamin. miidash miinawaa ninda (doo) minozawaawaat, mitigooNsing gonaa maaba mizaakodj, (doo) niimaakodjiigaaza. miidash miinawaa maanda zhewe,...

    • danezhiiN gaa zhinikaazat iidik gaa zhimadjizhichigegobaneN
      (pp. 246-253)

      yaawaa sa nwii dibaadjimaa, anishinaabe. zhaazhago gonaa zhinda gii danakiiban gonaa owo anishinaabe. gii nibowiban gaye gonaa owo. mii gonaa zhinda gaa tapinet niyiing nikeyaa makwa ziibiing, biidaasage nonggom (e) zhinikaadek. yaawaa dash maaba gii zhinikaaza anishinaabe, danezhiiN.

      miidash gonaa gii bi-oshkibimaadizit gonaa, banggii gonaa nwii dibaadjimaa. gaawiin gonaa niibana gonaa ngii gikenimaasii gonaa ge naadjimakgoban. miidash go maanda waa dibaadidamaaN, zhaazhago gonaa gwonda anishinaabek gonaa, gii waawiikondiwok gonaa, (e) niwaa-oodetoowaat gonaa. miidash iidik gaye maaba danezhiiN gaa inind, niyiing naanedaa gonaa ginimaa (doo) zhaagoban wodi mishiiminibaamikoong nonggom dash daming. anishinaabek gonaa zhewe gii danakiiwok, odaawaak gonaa.

      miidash maaba iidik...

    • makwa nowii gii gidaakiiyepan wodi makwa zhagishing
      (pp. 252-265)

      yaawaak sa miinawaa nwii dibaadjimaak anishinaabek, zhinda gonaa e danakii ying, zhaazhago sa ko gwonda anishinaabek, gaawiin giiyeN zhinda gii nji biboonishisiiwok zhinda go nonggom go dash (doo) yaa ying go. maanda ko gwonda gii zhaawok, niyiing zaagawaang gii zhinikaadaan owo odaawaa iwi gaa nji biboonishiwaat. St. Joseph wiyii nonggom zhinikaade iwi oodena, gichimookamaan gonaa gewiin doo zhinikaadaan.

      miidash ko gwonda anishinaabek ensa digwaagik gaa zagakanagewaadji gonaa, mii (doo) maajaawaat. maanda nitibewewaat maanda gichigomi, zhaawonong dash (doo) zhaawaat. maanda dash go iwi waa dibaadidamaaN, bezhik go maaba anishinaabe nwii dibaadjimaa. mii owo makwa nowii gaa inind. yaawaan dash maaba gii...

    • anishinaabek ko gaa zhidibaakonigewaat
      (pp. 264-279)

      yaawaa sa nwii dibaadjimaak miinawaa, odaawaak. megowaa gonaa iwi (doo) goziwaat ko gonaa, zhaawonong gii zhaawaat nidigwaagik. iwi dash go iwi waa oonji dibaadjimakgowaa, maaba makwa nowii gaa inind anishinaabe, aaniish, mii gonaa gewiin zhinda gaa nji nitaaginind owo. miidash gonaa ngoding (e) niwiidjiiwet maanda digwaaganinik wodi (doo) zhaawaat zaagawaang, degoshiniwaat dash giiyeN wodi, mii gii noondamowaat iidik owo anishinaabe wii dibaakoniget. yaawaa gonaa zhewe wiya gonaa anishinaabe zhewe gonaa e yaat gii nisaan wiidji anishinaaben. gaawiin gaye gonaa iwi wii nisaasiigoban gonaa newe, anishaa gonaa iwi mookamaan gonaa gii wepidawaagoban, gii ozaamiganaamaan dash ninda. miidash go maaba iwi anishinaabe...